أوزان شعر القلطه المشهوره

--------------------------------------------------------------------------------




أوزان شعرالقلطة المشهوره



الى الاخوه شعار المحاوره هناك اوزان لشعر القلطه خاصه بها ..

فوددت ان اوضح لكم بعض منها كمرجع للشعر والشعراء وارجو الاستفاده منها ..

*^* ( البحر الطويل ) ..

كقول لويحان فيه :




هاضني مرقاب عديت في عالي فروعه عصر والشمس حيه

ساقنـي سايـق الاقـدار ليـن السـاق عـدا براسـه مـن عذابـي

أه واعبـرتٍ كنيتـهـا مــا أبديتـهـا فــي حـشـا روحــي خفـيـه

مثـل عبـرة يتـيـمٍ ينـزرونـه نــزر والـنـزر هـضـام الشبـابـي



^* ( الحنيفي )

(( نسبة الى مبتدع هذه التسميه شاعر يدعى بحنيف أوالحنيفي لقبه ))



مـن صافـي النيـه... ســلام رديــه

والملعبـه صافـيـه واللـيـل قافيـهـا

من خاطرٍ صافي.. حييت يا سنافي

والملعـبـه شـدهـا لـيــاك ترخـيـهـا



*^* (( المربوع المكسور ))

كقول سليمان بن شريم :




والله اني فوقهم كني علـى مزعافي...مهـرةٍ لعابـه

لي ثلاث سنين يا صقران هذا حوفي .. بندقي مشعابي

نت يا راعي الغنم قد شافك الشوافي.. جوكم النهابه

يوم تمشي بالجبال السمر كنك عوفي.. للغنم حلابـي





*^* ( اللويحاني )

كقول لويحان :




ألا يـا مـال فرقـا العيـن الا يــا مــال فـرقـا العـيـن

يـا بعـد الفـرق بيـن النـاس يـا خــلاق يــا كـافـي

خطاه الزول صورة يحسب الجمعه ضحا الاثنين

يـغـر الاجنـبـي زولــه وفــي ملبـوسـه الضـافـي




*^* ( القصير )

كقولـــه ..




يا سلامي على كـل الرجـال

ردةٍ خـــاطـــري غـنـابــهــا

هبت ارياحها شرق وشمال

والمعاني حسبـت احسابهـا





*^*( المعوســر او العسيــر )

كقول مرشد البذالي :




1 بدا.. منهو حدا.. بالقيل .. وان تيه العجفـاوي

ولا.. منى على .. الاصحاب.. نفسٍ تجي دونيـه

2 عدا.. ذيب الندا.. في ليل.. مير احترس يالشاوي

ملا.. الناب العلا.. ون صاب.. ياخذ لحمته نيـه

3 غدا.. قولوا كدا.. ما قيل .. سبعٍ طمع به واوي

ولا..قولوا بلا.. شر شاب.. تطمع بـه الحنديـه




*^* ( المخو مـــس )

كقـــوله ..



سلام والسلام مني والليله الملعب ينـادي

الليله الليله لعبنا ما هبلك يا قلب الشرودي

تحيـة وفـاء يـا فاهمـيـن التماثـيـل







يا ناقلين الطرق عني من جنب الطاروق غادي

ان قالو العالم تعبنـا أنـا قويـاتٍ عضـودي

تعاليـل يـا هـل اللعـب هــذي تعالـيـل





*^* ( المســـــودس )

كقول مرشد البذالي :




اسمعو وافهمو رد الكلام يا سلامي على اللي يفهمون اقوال من قدم شريف الكلام بلا جزا

شاقه الولم.. واغرم يوم جابنه مطاليب حاجات الرفيق من عنالـه وجـب حقـه وصـار

ما لنا في تشعبات الكمام أنت يا من لكح بالرجم زولٍ زال واستدنا سلاح الشجاعه واعتزا

ثابت العلم.. وأفكر لين تدري طلـب قـوم والا انـه صديـق لاتسـرع بتنفيـذ المغـار



*^* ( المنكــــوس )

كقــوله ..




سلام رديه.. لها راس وعيون... سلام رديـه

الليله الليله .. بها أشكال وألوان.. الليله الليله

رده ومثنيه.. على اللي يغنون.. رده ومثنيـه

كلن وتحليله.. الى كان ماكان.. كلن وتحليلـه


*^* ( المثــــــومن )

كقولــــه ..




وصلنا سلامك.. ونفهـم كلامـك

تبي تركب البرج والبرج عالـي

ترفق وخل المشي يا رجل بالهون

لقيتك لقيتـك.. وأنامـا نسيتـك

تصلي الفروض وتبوق القرايـب

توضيت والا مصلي ما توضيـت







تضلل علينا .. وحنـا درينـا

قيـل لاتكمـل ثمـان الليالـي

تصلون ولا يالربع ما تصلـون

عصيت القرابه.. نويت الحرابه

ماهو نافعك لو يقولون تايـب

تقهويت ولا عندنا ما تقهويـت




خذلك بها مشوار والمعنى على سطح القمر *^* ( المــــربوط )

(( ربط بكلمة مكرره كقولهم :العالم الله ))




ياسلامي عليكم عد سمـوّا قبيلـه

قلتها من صميم الجاش والعالم الله

وين راح القبيل اللي ينومس قبيله

ما ربطنا عليها شاش والعالم الله




** وهذا نظم أخر مربوط ايضا..

(( حيث تكرر جملة : المعني على سطح القمر))




يا شاعر الميدان لوتنخا فـلا تلقـا نصيـر

ادخل ولك مظهار والمعنى على سطح القمر

ترى الجمل عيبٍ عليه رغاه من عقب الهدير

الله يعطيك العافيه يالحمياني ,,,

موضوع رائع ومفيد ,,,

تحياتي ,,,

المشاركة الأصلية كتبت بواسطة عين الحر

الله يعطيك العافيه يالحمياني ,,,

موضوع رائع ومفيد ,,,

تحياتي ,,,

============================

طبت وطاب مرورك اخي عين الحر

مشكور ياعبدالرزاق

وتسلم يمناك يالكريمه

لاهنت

مشكورررررر ياخوى عبدالرزاق الحميانى على المعلومات القيمة وتسلم يمينك الطيب

مشكور على جهودك اخوي عبد الرزاق لا خلا ولا عدم


بصراحة موضوع جميل ومنه الاستفادة



وبصراحة اكثر حاولت تلحين اغلب الاوزان ومشت معي الا الطويل بحلت فيه هههههه

المشاركة الأصلية كتبت بواسطة سعود نضاد بن قويعان

مشكور ياعبدالرزاق

وتسلم يمناك يالكريمه

لاهنت

===================

لاهنت اخوي سعود وهذا اقل مانقدمه

لهذا العرين الشامخ وخدمته واجبه على

الجميع كل حسب استطاعته،،،،،،