المساعد الشخصي الرقمي

مشاهدة النسخة كاملة : اقرب شاعر ؟؟؟؟؟؟

عبـدالله الجدعي
11-27-2005, 03:36 AM
السلام عليكم ورحمة الله وبركاته







ببدع قووافي ماني اللي تر(بطت) = بالمنتدى ماينطق القاف لحول


عسيت دار وباقين ماتخـ(بطت) = ناوي على الوديان والنك مجهول




.
.
.
.
ونتمنى اسرع رد
عبـدالله الجدعي
11-27-2005, 06:46 AM
احول مالقينا اللي يرد ثاني مره مع السلامه


انتضرت اربع ساعات او اكثر مشكورين
عبدالرزاق الحمياني
11-27-2005, 09:01 AM
الله يهديك ياعساس لاتستعجل

شعار المحاوره قليل تواجدهم

بالايام هاذي لكن ماعليك الا

الانتظار وصح لسانك على ها الطاروق
مساعد المطيري
11-27-2005, 09:22 AM
السلام عليكم ......


بصراحة هذا اول دخول لي في منتدى الصمان

والسبب ابيات عساس طقت براسي ارد عليه على هالصبحيه


استلم يا عساس


يامرحبا ياللي سريع(ن) تحبطت ....... ياعاسر القيفان بالهرج والقول


كانك تعس اديار فيها تشبطت ....... كب الشعيب اللي غدى كله اسيول







ابتسامة //
ان كان كتبت ردك انا باكر مثل هالحزه بالنت ههههههه.
عبـدالله الجدعي
11-27-2005, 12:28 PM
ابك البقى ياصاحبي والك ضبطت = عسر القوافي صعب تلقى له حلول

ووسط المسيل المنجرف ماتخبطت = ندعي يزود السيل والغيم مسبول


معليه توني دخلت هههههههههه
عبـدالله الجدعي
11-27-2005, 12:31 PM
الله يهديك ياعساس لاتستعجل

شعار المحاوره قليل تواجدهم

بالايام هاذي لكن ماعليك الا

الانتظار وصح لسانك على ها الطاروق



صح بدنك
شسوي انتضرت واجد والله مشكور وماقصرت
محمد بن ماجد الدويش
11-27-2005, 02:50 PM
صح لسانك يا عساس


وصح لسانك يا راسم البسمة


والصفوف جاهزه


تحياتي
عبـدالله الجدعي
11-28-2005, 01:07 AM
يارجال مامن صفوف الرجال جاي مرور الكرام ولاعاد هو جاي صح بدنك وماقصرتو
مساعد المطيري
11-28-2005, 01:40 AM
((..الرجال جاي مرور الكرام ولاعاد هو جاي..)) <=== اقتباس يالربع


لو انك من اهل المنتدى القديمين يا عساس شرهت عليك لكن مشاركاتك تبين انك جديد


ماني اللي يمسك اولها ويكب تاليها


استلم الرد


جيتك وانا اللي ماعليكم تعبطت ............. ثابت على راس العظيمه ولا ازول

مير انتبه ياللي نويت وتخربطت .............. وانته تقيس السيل بالعرض والطول







ابتسامة //

تبّين عدد مشاركاتي اني عضو جديد بقراطيسه توه جا من الوكالة لكن اسمحولي واولكم الاخ الكريم عساس على ماودي اقوله ...

1 / اخوي عساس انت تبي رد سريع ومستعجل وانا يالغالي ماني اربعة وعشرين ساعة على النت.. يعني يمكن ارد اليوم وبكره او عقبه اذا دخلت رديت عليك رد ثاني ..وفي هذا اعذرني

2 / كلمة ((تخبطت )) كتبتها مرتين يعني تعتبر ساريه وهذا مايجوز بالمحاورة وخاصه انها كتابية وفي منتدى يعني عندك وقت طويل للرد لكن ابي اطوفها لك هالمره

3 / وعساها ماتزعلك يالغالي لكن فيه بيت الاخير ...


ووسط المسيل المنجرف ماتخبطت
ندعي يزود السيل والغيم مسبـول

ووسط ..؟؟ يمكن غلط كتابي لانها وسط علشان تكون على الوزن ماهي ووسط ..!!


وعساني ماطولت عليك والسموحه كانه مضايقك ..

وشكرا .
عبـدالله الجدعي
11-28-2005, 02:57 AM
السيل ماقسته علامك تغبطت= في رد بيتي صرت بالحيل مذهول
والثابت الله كيف قافي ونبطت= اجمل معاني غيري اليوم مشلول


والله ما انتبهت له اسف
مساعد المطيري
11-28-2005, 03:31 AM
عساس طوّل الله عمرك شكلك ماقريت كلامي قبل ردك الاخير


ماراح ارد عليك لين تغير كلمت ( تحبطت ) لانها ساريه وانا قلتها قبلك

بأختصار شديد هات غيرها


وعلى فكرة الرد جاهز بس ماني قايله لين اشوفك غيرت كلمت (( تحبطت ))



ابتسامة //

وش معنى نبطت ؟؟


وشكراً.........!!!!
مساعد المطيري
11-28-2005, 04:12 AM
اخوي العزيز عساس العذر والسموحه منك هالليله لاني لازم اطلع الحين مير الوعد بكره مثل هالحزه
عبـدالله الجدعي
11-28-2005, 04:37 AM
الليل يا راسم ترى طولت
عبـدالله الجدعي
11-28-2005, 04:40 AM
طيب طيب صح لسانك وماقصرت
سعود بن قويعان
11-28-2005, 06:28 AM
صح السنتكم ومتابعين
عبـدالله الجدعي
11-28-2005, 03:55 PM
صح بدنك

<<<<<<<<<<<<<<<<<< ماركز في كلام راسم اعذروه
اخو فرجه
11-28-2005, 05:06 PM
صح السنتكم ولاهنتم

وبإنتظااااركم

تحيه من القلب الى القلب

اخو فرجه
عبـدالله الجدعي
11-28-2005, 09:31 PM
يسلمو اخو فرجه على المرور وصح بدنك
محمد بن ماجد الدويش
11-28-2005, 10:54 PM
صح لسانك يا عساس

وصح لسانك ياراسم البسمه


عساس مثل ما قال راسم البسمه انت تجيب كلمات ساريه
مساعد المطيري
11-29-2005, 02:33 AM
انا اشهد انك يا عميلي تلخبطت ............ لا لا تجيب الهرج من غير مدلول

مثل المكينه لا قضى الزيت خبطت .......... اختم لنا الابياتِ والكل في جول ....وسلامتك



وصح السانك اخوي عساس وصح بدنك .. والسموحة كان ضايقك كلامي



ابتسامة //
صحت ابدان الجميع ولاهنتوا يالربع وسامحونا على بعض الملاحظات الطويلة
ومشكورين على سعت صدوركم ..

وشكراً
يوسف بن رزقان الحمياني
12-02-2005, 08:45 AM
حياك الله ياعساس

وباقي الاخوان هنا

والظاهر انك منت بغريب علي

الاسلوب هذا تقل اعرفه .؟
عبـدالله الجدعي
12-03-2005, 08:59 PM
صحح بدنك كل شي ممكن ههههههههه