عند الخطبه هل يهمك؟؟ماضي الشاب او الفتاه؟؟

[رفيع الشان]

السلام عليكم ورحمة الله وبركاته


]حبيت أسأل كل عضوو وعضـووه ،، وياليت لو الكل يشارك .. ونسمع

آراء حميع اعضاء منتدى الصمان


إذا خطبت وحدهـ .. وإكتشفت إنها كانت وكانت وكانت،بس تابت وصارت
اخلاقها عال العال
هل ترضى تتزوجها ..؟؟ ولا ايش بتكون ردة فـعـلك ..؟
ونفس الشي للبنات .. لو كان الولد سواا وسواا بلاوي .. بس
بالاخير تاب وبطل هالشغلات البطاله.. ايش راح تكون ردة فعلك ؟؟
بالعربي .. يهمك ماااضي الشخص اللي بترتبط فيه والا لا!!
دعوه للنقاش من جميع جوانبه ..

اتمنى التفاعل من الجميع

[الجماان]

بالنسبة لرأيي أخي رفيع....ماضي الشخص مهم جداً قبل الزواج ... كيف أتزوج مثلاً - أسأل الله السلامة- شخص متحرر يسافر كثيراً للخارج وماأدراني ماكانت أفعاله؟!! ..أساساً انا ضد سفر الشباب للخارج .. وخاصة المتزوج يسافر وحيداً..لما ؟!! والدي طلب من زوجي جواز سفره قبل العقد..وراجع الجوازات وغيرها ليرى مدى استقامته .. هذا بالاضافة الى محافظته الى الصلوات..وبعده عن التدخين والمحرمات..وأنا ادعو لوالدي جزاه الله خير الجزاء..
أما بالنسبة للفتاة فالأمر مختلف تماماً..الفتاة كالزجاج حين تخدش سمعتها فالأفضل أن لايتم استخدامه مرة أخرى..؟!ليس لنا سوى الشرف فإن اضاعته الواحدة منا ..لن تسترده ابداً والشرف هو كل مايمس سمعة الفتاة حتى وان كان مجرد معاكسات..
وتذكروا دائماً اخوتي .. وخاصة شبابنا -تخيروا لنطفكم فإن العرق دساس-
شكراً اخي رفيع واعتذر على الاطالة

[فيصل الدويش]

استاذي الجميل رفيع الشان .. نقاش جميل


علماً ان الموضوع هالسنين الاخيره دراج مثل الموضه ..


على كلاً بعتقادي بالنسبه للشاب مافي اي مشكله


اما البنت من الطبيعي يهمني ماضيها ومستقبلها ومضارعها بعد ..


اجل هل من المعقول ان يتزوج الفرد من وحده مشطبه على العالم كلهم:)

وكل واحده كل قصه معها ..


مايصير حنا بدو ما حنا مصاريه مثل حسين فهمي ومرفت امين ..




ان اصلحت وتابت جزاها الله خير وتنثبر في بيت اهلها .. ولكن تمش خشمها من الرجال اما الذكور فهم كثر ..







استاذتي الرائعه الجمان عندي



تعليق على مداخلتكـ ..



معقوله في احد مثل والدكـ العظيم .. ياخذ الجواز ويسئل عن صاحبه في ادارة الجوازات ..








لو احد يبي يخطب بنتي ماسويت هالحركه وجعلني اموت ماسويتها ..


لو احد يبي يسويها لي كان قلت الله ياخذك الله انت وبنتكـ :)


على كلاً

لكم/ودي.

[المزن]

هذا زواج مو لعب كل شي مهم الماضي والحاضر والمستقبل


والله يهدي ويستر عباده


يسلمو ع الطرح المميز~

[دمعة الناقه]

بالنسبه لي بصراحه راح اتعب اذا بسئل عن ماضي الرجال لأن كل يوم راح اكتشف اكتشاف واذا على جذي 99.9 محد متزوج من البنات اذا تبي تنبش على كل شي



انا اقول الماضي له والحاضر لي .. مايهمني ماضيه المهم حاضره والاهم من هذا كله ان رجال مصلي ومسمي وعلومه عند الرياجيل طيبه وخلاص :)


ثااانكيوووو رفيع ع الموضوع

[غربه النفس]

اخي رفيع
موضوع لنقاش تختلف فيه الاراء
وطبقا لحاله الشخص
اذا بنت لو نتكلم عن بنات الزمن الماضي
بنقول ايه عيب ومايخذها
ولو بنتكلم عن الحين بتقول والله زميل عمل طالب
معاها بالجامعه تختلف الاسباب وبالنهايه نصيب
والبنت هي بنت شرفها وسمعتها مهمه
وقبل اهلنا يقولون الرجل شايل عيبه
طبعا اختلفت النظرة الحين
الرجل اذا سافر ووووامور كثيرة
البنت ترفض ماتهتم للزواج اجلس عند اهلى
احسن من واحد مريض او شيء ثانى
والرجل
لكن نتخير الامور
وبالنهايه
كل انسان لة مجتمع يعيش فيه
وهو الى يحكم
البنت او الرجل
الناس تحكم عليهم من عيشتهم مع بعض
مو قبل
والله انعم بنعمه النسيان
بس مانقول يفلونها ع الاخير
بحدود الشرع الناس تعيش
واذا ع كلام الناس
الميت بقبرة تحكي فيه

اعتذر ع الاطاله
تحيتي

[اسير عيونها]

الله يغفر الذنوب ليش ماتغفرون انتم


بالعكس مايهم الماضي طالما خلصت النيه لوجه الله

[الأميرة الوايلية]

اول شي دوم طرحك للمواضيع بتقديرامتياز ودوي انفجارات ومميزز

وثاني شي من ناحية البنت عرفنا العلم وهم يقولون تخيروا ( مرابط خيلها ) يعني شوف امها وخالاتها مع ان بعض العوايل ساسها طيب بس الشيطان له سلطه عليهن ويجرهن في حبايله وتفوق باخر لحظه ويسحبهاوترجع لاصلها الاول
وبعدين الرجال لو كان صايع وضايع ومدمن مايهم لأ ن شفرته راح تنفك بيد الانثي وهي ادني مستوي ذكاء بعالم حواء خصوصا اذا كانت ذكيه تقدر تغيره 180%
والله يغفر لعباده ليش مايغفر الولد كان ولا البنت ويبدون بشي جديد بس اعود واقول
( تخيرواا مرابط الخيل ) كان بنت او ولد

[ابو غليفص]

رفيع الشان احبك في الله .
يؤلمني الذي دعاك لكتابة هذاالموضوع.
آآآآآآآآآه ...ياغربت النفس اول إذاالمرأة
أخطت ذبح من الاب او الاخوان
وإذاالرجل عاكس فقط سودوجهه بالفحم
وإذاصاحت منه قطع خشمه قل تعالى (ولاتقربواالزناإنه كان فاحشة واساء سبيلا)

[أبو جميل]

مواقف محرجه وكل انسان لديه عيوب واخطاء ولكن عيوب النساء لاتغتفر في مجتمعاتنا بينما التوبه تجب ماقبلها 0 وعفاء الله عنما سلف - تقديري

[نسناس]

الا يهمني ماضيها الف مرررره وان صار لها سوابق اقول الله يرزقها التوبه
بس مااخذها انا مع احترامي لراي من قال من تاب تاب الله عليه
الله يرزقها احد مايعرف من ماضيها شيئ واعرف انها راح تستقيم لو تابت بس مااخذها

[رفيع الشان]

شكرا لك ع التواجد الرائع والتعليق

[مع الناس]

صباح الورد
انا اقول اذاتعرف ماضيهاماهوزين ودك ماتقريها
لان ابوطبيع مايخلي طبعه

[الجازي الكويت]

يامااااااااااااا نااااااااااس تزوجو وماضيهم اسود وسلكوو مع الحيااه
فيصل الدويش شخباري حسين فهمي ومرفت امين ليش انت كم عمرك مبين حدك شايب قول لميس يحيى كلش كلش نمر عليااااااا
الجمان ماشاءالله على ابوج اللي يتحقق فالشخص حناالوبس ينششد عن جوازه يقوله انت شكووووووووووووووووووووووووو

[خيال العشاير]

على حسب درجة الماضي يارفيع الشان

فكم من ما ضيا لا يعيب صاحبه دام هناك التزام بحدود الله والمبادئ والعادات ولكن كل انسان في بداية عمره قليل ما يمر في بعض المنعطفات الخطرة وفيهم من يخرج منها بسلام والبعض الآخر ينجرف ورى ملذات الدنيا التي لا تسوى عند الله جناح بعوض يالله المستعان


شكرا رفيع